OM FYRET
Ulvesund Fyr ligg på Hjertenes nær Måløy, i Kinn kommune i ytre Nordfjord. Det har vore eit lyspunkt for dei sjøfarande sidan 1870. Vi ønsker at det skal vere eit lyspunkt i kvardagen for våre gjester. Fyret er eitt av fire fyr som viser båtane trygt rundt Stadt, som er eitt av dei verste havstykka i Norge.
Overnatting
Fyrkafé
Møtast på fyret!
FYRFERIE FOR HEILE FAMILIEN
Du finner fyret ved Ulvesundet, omgitt av ein solrik hage som bugnar av blomar og bær. Her har ein full oversikt over båttrafikken og det skiftande lyset i Sildagapet, og kan nyte fargerike og fredfulle solnedgangar. Dei to fyrgeitene i hagen set pris på klapp og kos. I den sjarmerande vesle fyrbutikken kan våre gjester kjøpe heimelaga saft, gelé, handarbeid og musikk, og bøker, glaskunst, kaffe, te, sjokolade og gammaldagse drops i lausvekt. Her kan det også bestillast heimelaga mat og nykverna kaffe som blir servert i vår fyrkafé, eller ute i fyrhagen.